Félagsfréttir

Aðalfundur Hringsins Aðalfundurinn verður haldinn í félagsheimilinu miðvikudaginn 6. maí kl. 18:30. Fyrst er sameiginlegt borðhald félagskvenna. Á dagskrá fundarins eru: skýrslur stjórnar og nefnda, lagabreytingar, kjör í stjórn og kosning í nefndir.
Styrkir Frá því í júní 2008 og fram í desember sama ár heimsóttu stjórnarmeðlimir Barna- og unglingageðdeild, Litningarannsóknadeild, Kvennadeild Landspítala og Styrktarfélag lamaðra og fatlaðra til að færa þeim styrki úr Barnaspítalasjóðnum. Í október 2008 var hins vegar farið í heimsókn í gamla Glitni til að veita viðtöku þeirri upphæð sem kom inn sem áheit við Reykjavíkurmaraþon í ágúst.
Súrefnismettunarmælar fyrir nýbura Hringurinn afhenti fæðingadeild Landspítala 23A og Hreiðrinu að gjöf tvo súrefnismettunarmæla þann 29. janúar 2009. Mælarnir gefa færi á að fylgjast náið með súrefnismettun í blóði nýbura, sem eykur mjög á öryggi varðandi mat á ástandi nýfæddra barna, sem geta þannig dvalist með mæðrum sínum á deildinni.
Styrkur til Barna- og unglingageðdeildar Fyrri hluta júní-mánaðar skoðuðu stjórnarkonur nýbyggingu BUGL, sem hýsir göngudeild starfseminnar. Móttökur voru góðar og var hópurinn leystur út með kostnaðaráætlun um ýmislegt sem eftir er að fjármagna. Stjórnin fundaði síðar um þetta og samþykkti að veita styrk til að kaupa húsbúnað í biðstofu og innréttingar í fundarherbergi fyrir börn og aðstandendur.
Styrkur til Barnaspítalasjóðs Til Íslands komu í september áhangendur skoska landsliðsins í fótbolta til að vera viðstaddir landsleik milli Skota og Íslendinga. Þeir hafa myndað góðgerðarsamtök sem nefnast The Tartan Army Sunshine Appeal og hafa það fyrir venju að veita styrki í þeim löndum sem landsleikur fer fram í. Í þetta sinn varð Barnaspítalasjóður fyrir valinu og var tekið á móti hópnum í Veitingastofu Hringsins 10. sept. Þar sem afhentar voru kr. 170 þús. Í sjóðinn. Fréttamenn voru viðstaddir og boðið var upp á súpu.
Golfmót Hringskvenna 2008 var haldið snemmsumars á golfvellinum á Vatnsleysuströnd undir stjórn Jónu Bjarnadóttur. Leiknar voru 18 holur í fallegu veðri, en svolitið blés þó. Verðlaun voru vegleg og konur ánægðar með samveruna þennan dag.
Golfmót Hringskvenna 2009 er fyrirhugað í júní.

Forsíða

Félagsfréttir

Vallisti

Félagsfréttir

Styrkveitingar úr Barnaspítalasjóði Hringsins árið 2009

Vökudeild:

Styrkur upp í kaup á öndunarvélum

Hitaborð og vöggur

Augnbotnamyndavél

Fæðingardeild:

Monitorar

Laryngoscope tæki

Sængurkvennadeild:

Tæki fyrir mæður og börn m.a. skoðunarbekkir,

síritar, mjaltavél og húðgulumælir

Kennarar Barnaspítalans:

Kennaratölvur og fartölvur fyrir nemendur og foreldra langveikra barna

Svæfinga- og gjörgæsludeild:

Forrit í svæfingadælu fyrir 16 ára og yngri

G3 Fossvogi :

Biðstofa barna LSH, húsgögn, tæki og leikföng.

Slysa- og bráðadeild Fossvogi:

Hitamælar og blöðruómskoðunartæki

Barnavöknun Fossvogi:

Hvíldarstólar

BUGL:

Stækkun, áfangi 2 og sumargarður

Sjónarhóll:
Sem svarar einum starfsmanni í eitt ár

Á haustmánuðum voru veittir styrkir til heimila fyrir börn og unglinga það voru:

Rjóðrið

Skammtímavistunin Álfalandi

Skammtímavistunin Akureyri

Móvað

Lyngás

Auk þess voru veittir nokkrir smærri styrkir

Tilveran.is styrkti Barnaspítalasjóð um 100.000.- krónur í nóvember. Rökkvi Vésteinsson setti sér það mark við opnun á þessum nýja afþreyingarvef að ef hann næði 30.000 meðlimum myndi hann styrkja sjóðinn um þessa upphæð. Það tókst og við Hringskonur þökkum fyrir okkur.

Barnaspítalasjóði hefur borist gjöf frá Alcan á Íslandi, 100 þúsund krónur. Starfsmenn Álversins hlupu Reykjavikurmaraþon og hópurinn Vísindamennirnir valdi Hringinn sem styrktaraðila. Styrkurinn var afhentur í Álverinu þann 13. nóvember.

Barnaspítali Hringsins fær afhentar fartölvur

Hringurinn veitir styrk til kennara Barnaspítala Hringsins, tvær kennaratölvur og fimm fartölvur fyrir nemendur og foreldra langveikra barna. Með tölvunum komast börnin meðal annars á Skólavefinn.

Félagatal Hringsins er gefið út með andlitsmyndum af félagskonum. Þetta hefur mælst vel fyrir og myndasöfnunin hefur gengið nokkuð vel, en betur þarf að gera ef takast á að ná því markmiði að sérhverju nafni fylgi mynd.

Við munum halda áfram að safna myndum í félagatalið. Best er að fá myndirnar á stafrænu formi frá góðum ljósmyndara á tölvupóstfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . Góðar myndir á pappírsformi má einnig senda á skrifstofu félagsins í Nethyl 2, 110 Reykjavík.

Gætið þess að allar myndir séu merktar eða tengdar við nafn félagskonu.

Rétt er að benda á að ljósmyndastofa er í Nethyl á næstu hæð fyrir ofan félagsheimilið. Þar er hún Sirrý ljósmyndari sem hefur sent okkur margar góðar myndir. Tilvalið er að panta tíma hjá henni (557-7576) í tengslum við mætingu á félags- eða nefndafundi.

golfmot hringskvenna

Golfmót. Annað golfmót Hringskvenna á árinu 2009 var haldið á Nesvellinum á Seltjarnarnesi 12. ágúst. Þátt í mótinu tóku yfir 20 konur og léku 18 holur. Veðrið var gott og konur kátar. Nesklúbburinn gerði vel við okkur og veitingarnar í klúbbhúsinu á eftir voru mjög góðar. Verðlaun voru veitt fyrir besta skor og hlutu þau Kristín Kristjánsdóttir og gestur mótsins, Dóra kennari á Barnaspítala Hringsins.

Fleiri greinar...

«FyrstaFyrri123Næsta Síðasta»

Síða 1 af 3

Joomla! er frír hugbúnaður gefinn út með GNU/GPL leyfi.