Jólabasarinn

Aðalfundur Hringsins Aðalfundurinn verður haldinn í félagsheimilinu miðvikudaginn 6. maí kl. 18:30. Fyrst er sameiginlegt borðhald félagskvenna. Á dagskrá fundarins eru: skýrslur stjórnar og nefnda, lagabreytingar, kjör í stjórn og kosning í nefndir.
Styrkir Frá því í júní 2008 og fram í desember sama ár heimsóttu stjórnarmeðlimir Barna- og unglingageðdeild, Litningarannsóknadeild, Kvennadeild Landspítala og Styrktarfélag lamaðra og fatlaðra til að færa þeim styrki úr Barnaspítalasjóðnum. Í október 2008 var hins vegar farið í heimsókn í gamla Glitni til að veita viðtöku þeirri upphæð sem kom inn sem áheit við Reykjavíkurmaraþon í ágúst.
Súrefnismettunarmælar fyrir nýbura Hringurinn afhenti fæðingadeild Landspítala 23A og Hreiðrinu að gjöf tvo súrefnismettunarmæla þann 29. janúar 2009. Mælarnir gefa færi á að fylgjast náið með súrefnismettun í blóði nýbura, sem eykur mjög á öryggi varðandi mat á ástandi nýfæddra barna, sem geta þannig dvalist með mæðrum sínum á deildinni.
Styrkur til Barna- og unglingageðdeildar Fyrri hluta júní-mánaðar skoðuðu stjórnarkonur nýbyggingu BUGL, sem hýsir göngudeild starfseminnar. Móttökur voru góðar og var hópurinn leystur út með kostnaðaráætlun um ýmislegt sem eftir er að fjármagna. Stjórnin fundaði síðar um þetta og samþykkti að veita styrk til að kaupa húsbúnað í biðstofu og innréttingar í fundarherbergi fyrir börn og aðstandendur.
Styrkur til Barnaspítalasjóðs Til Íslands komu í september áhangendur skoska landsliðsins í fótbolta til að vera viðstaddir landsleik milli Skota og Íslendinga. Þeir hafa myndað góðgerðarsamtök sem nefnast The Tartan Army Sunshine Appeal og hafa það fyrir venju að veita styrki í þeim löndum sem landsleikur fer fram í. Í þetta sinn varð Barnaspítalasjóður fyrir valinu og var tekið á móti hópnum í Veitingastofu Hringsins 10. sept. Þar sem afhentar voru kr. 170 þús. Í sjóðinn. Fréttamenn voru viðstaddir og boðið var upp á súpu.
Golfmót Hringskvenna 2008 var haldið snemmsumars á golfvellinum á Vatnsleysuströnd undir stjórn Jónu Bjarnadóttur. Leiknar voru 18 holur í fallegu veðri, en svolitið blés þó. Verðlaun voru vegleg og konur ánægðar með samveruna þennan dag.
Golfmót Hringskvenna 2009 er fyrirhugað í júní.

Forsíða

Jólabasarinn

Vallisti

Þriðjudagur, 12. ágúst 2008 16:50

Jólabasar Hringsins er haldinn á hverju ári í nóvember. Á basarnum eru seldar jólavörur af ýmsu tagi, s.s. jólaskraut og jóladúkar, prjónavörur, s.s. peysur, sokkar og húfur, og úrval af heimabökuðum kökum.

Undirbúningur jólabasarsins hefst strax í janúar þegar félagskonur koma saman til hannyrða. Þær hittast síðan vikulega til að föndra, sauma og prjóna muni til að selja. Á síðustu dögunum er svo bakað, því að kökusala er mikilvægur hluti af basarnum. Þá eru jólakort Hringsins einnig til sölu.

Árin 2004 til 2009 hefur basarinn verið haldinn á Grand hóteli við Sigtún, en í mörg ár þar á undan var hann í Perlunni í Öskjuhlíð.

Þeim, sem heimsækja basarinn og styðja við starf Hringsins með því að kaupa jólakort, hannyrðavörur eða kökur, er þakkað af alhug fyrir trygglyndið.

Jólabasarinn 2010 verður haldinn á Grand Hóteli við Sigtún sunnudaginn 7. nóvember.

Síðast uppfært: Sunnudagur, 07. mars 2010 11:25

Joomla! er frír hugbúnaður gefinn út með GNU/GPL leyfi.