|
Reykjavíkurmaraþonið 21. ágúst 2010 |
|
Nú styttist óðum í Reykjavíkurmaraþon Íslandsbanka 2010.
Mikilvægt er að hvetja alla sem þið þekkið til að styðja Hringinn.
Skráning í hlaupið er hafin á heimasíðu hlaupsins: marathon.is/reykjavikurmaraton.
Við hvetjum ykkur til að hafa samband við alla sem þið þekkið, sem eru hlauparar eða þekkja einhverja sem hlaupa reglulega, benda þeim á að styrkja Hringinn og að skrá sig fyrir 2. júlí, því þá hækkar þátttökugjaldið.
Þetta eru upplýsingar sem gagnlegt er að senda á þá sem þið haldið að munu hlaupa í Reykjavíkurmaraþoninu :
Skipuleggjendur Reykjavíkurmaraþons gefa hlaupurum kost á að hlaupa í þágu góðs málefnis með því að tengja sig ákveðnum góðgerðafélögum. Vinir og vandamenn þeirra geta svo heitið peningaupphæð á þá og um leið á viðkomandi góðgerðafélög.Hringurinn er í hópi þessara félaga, sjáhttp://www.marathon.is/godgerdamal/hlaupa-til-gods, og hvetur vini sína og velunnara til að taka þátt og beina áheitum sínum til Barnaspítalasjóðs Hringsins.
|
|
Nánar...
|
|
|
Hringurinn
Hringurinn er kvenfélag sem hefur að markmiði að vinna að líknar- og mannúðarmálum, sérstaklega í þágu barna. Aðalverkefni félagsins um áratugaskeið hefur verið uppbygging Barnaspítala Hringsins. Mörg önnur verkefni, sem tengjast veikum börnum, hafa verið studd og styrkt. Þau stærstu eru uppbygging Barna- og unglingageðdeildar Landspítala og rekstur Sjónarhóls, ráðgjafamiðstöðvar barna með sérþarfir.
Í félaginu eru nú 335 konur á öllum aldri. Félagsfundir eru haldnir einu sinni í mánuði á veturna, félagskonum til fræðslu og skemmtunar. Starfsemin byggist hins vegar fyrst og fremst á því mikla starfi sem fram fer í nefndum félagsins.
Fjáröflunarleiðirnar eru söfnunarbaukar, sem staðsettir eru víða, s.s. í Leifsstöð, jólakaffi og happdrætti, sem haldin eru á aðventunni á hverju ári, jólabasarinn, sem haldinn er í nóvember á hverju ári, minningarkortin, sem seld eru allt árið, jólakortin og veitingasalan í Barnaspítalanum.
Í lok árs 2007 náðust samningar við Spöl um uppsetningu á sérstökum söfnunarbaukum við lúgur gjaldskýlisins við norðurenda Hvalfjarðarganganna þannig að vegfarendur geti styrkt Barnaspítalasjóðinn á einfaldan hátt. Vaktmenn í gjaldskýlinu segja að vegfarendur hafi strax tekið vel við sér, sjá myndir og meiri upplýsingar á www.spolur.is
Til styrktaraðila:
Kennitala Barnaspítalasjóðs er 640169-4949 og reikningsnúmer er 0101-26-054506
Formaður Hringsins er Valgerður Einarsdóttir -
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
- 867 4770.
Hringurinn - Nethyl 2, 110 Reykjavík - sími 551-4080 |
|
|
